పోలీసులపైకి కుక్కలను వదిలిన వైసీపీ నేత
posted on Jun 29, 2020 3:27PM
వైసీపీ నేత, సినీ నిర్మాత పొట్లూరి వరప్రసాద్(పీవీపీ) మరో వివాదంలో చిక్కుకున్నారు. ఆయనను అరెస్ట్ చేయడానికి వెళ్లిన పోలీసులపై కుక్కలను వదిలారు. ఇటీవల హైదరాబాద్లో పీవీపీ వీరంగం సృష్టించిన విషయం తెలిసిందే. ఓ విల్లాకు సంబంధించి విక్రమ్ కైలాస్ అనే వ్యక్తి ఇంటికి దాదాపు 20 మందిని వెంటబెట్టుకుని వెళ్లి.. తాను అమ్మిన వీళ్ళను ఆధునీకరించడానికి వీల్లేదంటూ.. ఇంట్లో సామగ్రిని ధ్వంసం చేసి, చంపేస్తానని బెదిరించారు. బాధితుడి ఫిర్యాదుతో పీవీపీపై బంజారాహిల్స్ పీఎస్ లో కేసు నమోదైంది. ఈ క్రమంలో ఆయనను అరెస్ట్ చేసేందుకు వెళ్లిన పోలీసులపై ఆయన కుక్కలను వదిలారు. ఈ ఘటనపై పోలీసు అధికారులు ఆగ్రహం వ్యక్తం చేస్తున్నారు. విధులకు ఆటంకం కల్గించారని పీవీపీపై కేసు నమోదు చేశారు. హైదరాబాద్ పోలీస్ కమిషనర్ అంజనీకుమార్ ఈ విషయాన్ని చాలా సీరియస్ గా తీసుకున్నట్టు సమాచారం.