వివేకా హత్య కేసులో సీబీఐ విచారణకు వైసీపీ నేత
Published on: Wed Jul 29, 2020 9:57AM
కడపలోని సెంట్రల్ జైలు ఆవరణలో మాజీ మంత్రి, ముఖ్యమంత్రి వైఎస్ జగన్ బాబాయ్ వైఎస్ వివేకా హత్య కేసు విచారణ కొనసాగుతోంది. కడప కేంద్రంగా ప్రముఖులను సీబీఐ బృందం విచారిస్తోంది. పులివెందుల వైసీపీ నేత దేవిరెడ్డి శంకర్ రెడ్డి బుధవారం ఉదయం సీబీఐ విచారణకు హాజరయ్యారు. ప్రస్తుతం సీబీఐ అధికారులు ఆయనను విచారిస్తున్నారు. నేడో రేపో కడప ఎంపీ వైఎస్ అవినాష్ రెడ్డితో పాటు వైఎస్ కుటుంబసభ్యులను కొందరిని విచారించనున్నట్లు తెలుస్తోంది. వైఎస్ కుటుంబసభ్యుల విచారణ అనంతరం మాజీ మంత్రి ఆదినారాయణ రెడ్డి, టీడీపీ ఎమ్మెల్సీ బీటెక్ రవిలను సీబీఐ బృందం విచారించే అవకాశం ఉన్నట్లు సమాచారం.


