'ఎటకారం' విజయ్‌కి అంకితం

నేపాల్ భూకంపం వల్ల 'ఎటకారం' సినిమా నటుడు, నృత్య కళాకారుడు విజయ్ చనిపోయిన సంగతి తెలిసిందే. విజయ్ అంత్యక్రియలు గురువారం అతని స్వస్థలం బాపట్లలో జరిగాయి. విజయ్ భౌతికకాయానికి మాజీ మంత్రి పనబాక లక్ష్మీ నివాళులు అర్పించారు. 'ఎటకారం' చిత్ర యూనిట్ కూడా విజయ్ కు ఘనంగా అంజలి ఘటించారు. ఈ సందర్భంగా చిత్ర నిర్మాత కిషన్ మాట్లాడుతూ ఎటకారం సినిమాను విజయ్ కు అంకితం చేస్తున్నామని, సినిమాకు వచ్చే లాభాల్లో కొంత మొత్తాన్ని విజయ్ సింగ్ కుటుంబానికి ఇస్తామని తెలిపారు. నేపాల్ లో 'ఎటకారం'సినిమాకు సంబంధించిన కొన్ని సన్నివేశాలు తీయడానికి చిత్ర యూనిట్ అక్కడికి వెళ్లగా ఈ ఘటన జరిగింది.