ఆరుమాసాలుగా చెంచల్‌గూడా జైలులో ఉన్న సీనియర్‌ ఐఎఎస్‌ ఆఫీసర్‌ శ్రీలక్ష్మి డీప్‌ డిప్రషన్‌లో ఉన్నట్లు తెలుస్తుంది. తమ బందువులను, మిత్రులను కలవడానికి ఆమె ఇష్టపడడం లేదని జైలు అధికారులు తెలుపుతున్నారు. ములాఖత్‌ లో ఆమె భర్తను మాత్రమే కలుస్తున్నారని అదీ బెయిలు కోసమేనని అప్పుడప్పుడు దానికి సంబందించి లాయర్‌ను కలుస్తున్నారని అంతకు మించి ఎవరినీ కలవడానికి ఆమె ఇష్టపడనట్లు తెలుస్తుంది. చివరకు తమ పిల్లలను కూడా కలవడానికి ఆమె సుముఖంగా లేరని తెలుస్తుంది. జైలు అధికారులు ఆమెకు ప్రత్యేక హోదా కల్పించి నప్పటికీ వారు అందించిన వంటసామాగ్రితో ఆమె వండుకుని సాదా జీవితాన్ని సాగిస్తున్నారని సమాచారం. ఉదయం,సాయంత్రం వాకింగ్‌, దినపత్రికల పఠనం, ఆత్యాత్మి¸కపుస్తకపఠనం, దైవప్రార్థన ఆమె దినచర్యగా కొనసాగుతుంది. ఆమెపై ఆరోపణలు ఇంకా రుజువుకాలేదని అటుంటప్పుడు సుదీర్ఘకాలం జైలులో ఉంచడం ఎంత వరకూ సమంజసమని సాటి ఐ.ఎ.ఎస్‌. అధికారులు ప్రశ్నిస్తున్నారు.