వాట్సాప్.. ఈరోజుల్లో దీనిగురించి తెలియనివాళ్ళు జీవితంలో చాలా వెనుకబడిపోయినట్టే లెక్క. ప్రపంచ వ్యాప్తంగా విరివిగా ఉపయోగించే మెసేజ్ సర్వీస్‌గా వాట్సాప్ దూసుకుపోతుంది. గత సెప్టెంబర్ నాటికి వాట్సాప్‌ని వినియోగించేవారి సంఖ్య 9 వందల మిలియన్లకు చేరింది. ఈరెండు నెలల్లో వెయ్యి మిలియన్లకు చేరే వుంటుందని అంచనా. అయితే ఇంత ఆదరణ వున్న ఈ యాప్‌లో స్కైప్, హ్యాంగ్ ఔట్‌ తరహాలో వీడియో కాలింగ్ సదుపాయం లేదు. ఈ లోటును భర్తీ చేస్తూ త్వరలో వాట్సాప్‌లో వీడియో కాలింగ్ సౌకర్యాన్ని అందుబాటులోకి తేనున్నారు. ప్రస్తుతం ఇది పరీక్ష దశలో వుందట. త్వరలో విడుదల చేయబోతున్న ఐఓఎస్ వెర్షన్‌లో ఈ వీడియో కాలింగ్ సదుపాయాన్ని ఇమడ్చాలని వాట్సాప్ సంస్థ ఆలోచిస్తున్నట్టు సమాచారం.