మహమ్మద్‌ ప్రవక్త మీద ఒక ఆకతాయి కుర్రవాడు ఫేస్‌బుక్‌లో చేసిన వ్యాఖ్యలు పశ్చిమబెంగాల్లో పెను వివాదాన్నే సృష్టించాయి. పశ్చిమబెంగాల్లోని బిర్భూమ్‌ జిల్లాకు చెందిన ఇల్లంబజారులోని ఒక వ్యక్తి, ప్రవక్తను కించపరిచే విధంగా ఫేస్‌బుక్‌లో పోస్టుని ఉంచాడు. దీంతో ఇల్లంబజారులోని ముస్లింలు నిన్న తీవ్ర ఆందోళనలకు దిగారు. ఆందోళనకారులు ఇల్లంబజారు పోలీస్‌స్టేషను మీద సైతం దాడి చేయడంతో, పోలీసులు భాష్పవాయువుని ప్రయోగించాల్సి వచ్చింది. ఈ సంఘటనలో పలువురు తీవ్రంగా గాయపడ్డారు. స్టేషను పరిధిలో ఉన్న వాహనాలన్నీ ధ్వంసమయ్యాయి. పరిస్థితి చేయిదాటిపోవడంతో సాయంత్రానికి కేంద్ర బలగాలకు చెందిన ర్యాపిడ్‌ యాక్షన్‌ ఫోర్స్‌ రంగంలో దిగాల్సి వచ్చింది. ఇంతకీ, ఈ సంఘటనకు మూలకారకుడైన ఆకతాయి మాత్రం పరారీలో ఉన్నాడు