గ్లాస్కోలో జరుగుతున్న కామన్వెల్త్ క్రీడల్లో భారతదేశం మొదటిరోజే బంగారు పతకంతో బోణీ కొట్టింది. మహిళల వెయిట్ లిఫ్టింగ్ 48 కిలోల విభాగంలో సంజితా చాను స్వర్ణ పతకం, సయకొమ్ మీరాబాయ్ చాను రజత పతకం కైవసం చేసుకున్నారు. కాంస్య పతకాన్ని నైజీరియాకు చెందిన కెచి ఓపరా గెలిచింది. జూడో క్రీడలో భారత్ మూడు పతకాలు కైవసం చేసుకుంది. పురుషుల 60 కేజీల విభాగంలో నవ్‌జోత్ చనా, మహిళల 48 కేజీల విభాగంలో సుశీలా లిక్మబామ్ రజతాలు గెలుచుకున్నారు. ఇక, మహిళల 52 కిలోల విభాగంలో కల్పనా తౌడమ్ కాంస్యంతో సరిపెట్టుకుంది. దీంతో, తొలిరోజు భారత్ ఖాతాలో మొత్తం ఏడు పతకాలు చేరాయి. మొత్తమ్మీద పతకాల పట్టికలో భారత్ నాలుగో స్థానంలో ఉంది.