వాజ్పేయి ముందే మరణించినా.. బీజేపీ కావాలనే దాచిందా.!!
Published on: Mon Aug 27, 2018 11:36AM

మాజీ ప్రధాని వాజ్పేయి ఈ నెల 16 వ తేదీన మరణించిన విషయం తెలిసిందే.. అయితే ఆయన నిజంగానే 16 న మరణించారా ? లేక ముందే మరణిస్తే బీజేపీ కావాలని దాచిందా? అంటూ ప్రశ్నలు, అనుమానాలు తలెత్తుతున్నాయి.. అయితే ఈ అనుమానాలకు తెరలేపింది ప్రతిపక్షాలు కాదు.. బీజేపీ మిత్రపక్షమైన శివసేన నేత సంజయ్ రౌత్.. శివసేన అధికారిక పత్రిక సామ్నాలో ఈ విషయంపై ఆయన ఓ వ్యాసం రాశారు.. వాజ్పేయి ఆగస్టు 16నే చనిపోయారా? లేదంటే ఆగస్టు 15కు ముందే చనిపోయారా? అని ప్రశ్నించారు.. ఆగస్టు 15న స్వాతంత్ర్య దినోత్సవ వేడుకలు ఉన్న సందర్భంగా ఎర్రకోట నుంచి సుదీర్ఘమైన మోదీ ప్రసంగానికి అడ్డంకులు లేకుండా ఉండేందుకు వాజ్పేయి మృతిని 16న ప్రకటించారా?.. పదవికాలం ముగుస్తుండటంతో, ప్రధానమంత్రిగా మోదీకి ఈ పంద్రాగస్టు ప్రసంగమే చివరిదనే విషయం తెలిసిందే.. దీన్ని దృష్టిలో పెట్టుకొని మోదీ ప్రసంగానికి ఇబ్బంది కలగకుండా ఉండేందుకు ఆగస్టు 16 నాడు వాజ్పేయ్ మృతి విషయాన్ని వెల్లడించారా? అని వ్యాసంలో సంజయ్ రౌత్ రాసుకొచ్చారు.. ఈయన చేసిన వ్యాఖ్యలు ఎలాంటి దుమారాన్ని రేపుతాయో ఏంటో చూడాలి.


