వరంగల్ అభ్యర్ధిని ప్రకటించిన వైసీపీ
Published on: Tue Nov 3, 2015 2:53PM

వరంగల్ ఉపఎన్నికకు వైసీపీ కూడా తమ అభ్యర్ధిని ప్రకటించింది, వరంగల్ ఉపఎన్నికల్లో పోటీ చేస్తామని ప్రకటించిన వైఎస్సార్ కాంగ్రెస్ పార్టీ... తమ అభ్యర్ధిగా నల్లా సూర్యప్రకాశ్ ను అనౌన్స్ చేసింది, నల్లా సూర్యప్రకాశ్ ఎంపికను అధికారికంగా ప్రకటించిన తెలంగాణ వైసీపీ అధ్యక్షుడు పొంగులేటి శ్రీనివాస్ రెడ్డి... ఆయనకు పార్టీ బీఫామ్ ను అందజేశారు, వైసీపీ అధినేత వైఎస్ జగన్మోహన్ రెడ్డి సూచన మేరకే నల్లా సూర్యప్రకాశ్ ను వరంగల్ బరిలోకి దింపుతున్నట్లు పొంగులేటి ప్రకటించారు. వైఎస్ కుటుంబానికి ద్రోహం చేసిన కాంగ్రెస్ ను తాము క్షమించబోమని, అన్ని పార్టీలకూ బుద్ధిచెప్పడానికే తాము పోటీ చేస్తున్నట్లు నల్లా సూర్యప్రకాశ్ అన్నారు, తనకు టికెట్ ఇచ్చిన జగన్ కు ధన్యవాదాలు తెలిపిన సూర్యప్రకాశ్... ఇది కార్యకర్తకు లభించిన గౌరవమని వ్యాఖ్యానించారు.


