విశాఖజిల్లా పాయకరావు పేట అసెంబ్లీ నియోజకవర్గ తాజా మాజీ, వైయస్సార్ కాంగ్రెస్ పార్టీ నాయకులు గోళ్ళ బాబూరావు పార్టీ టిక్కెట్ ను బేరానికి పెట్టినట్టు ఆయన ప్రత్యర్థులు ఆరోపిస్తున్నారు. వైయస్సార్ కాంగ్రెస్ పార్టీ తరపున గోళ్ళ బాబూరావు ఉప ఎన్నికల్లో పోటీచేయాల్సి ఉంది. అయితే తనకు బదులుగా తాను సూచించిన వ్యక్తికీ టిక్కెట్ ఇవ్వాలని ఆయన పార్టీ అధిష్టానానికి గతంలో విన్నవించారు. దీంతో ఆయన ప్రత్యర్థులు గోళ్ళ బాబూరావు పై ఆరోపణల వర్షం కురిపించారు. బాబూరావు తన టిక్కెట్ ను రూ. 10 కోట్లకు బేరం పెట్టాడని వారు ప్రచారం చేయడంతో బాబూరావు కంగుతిన్నాడు. దీంతో ఆయన ఈ ఆరోపణలను ఖండిస్తూ వైయస్సార్ కాంగ్రెస్ పార్టీ తరపున తానే పోటీచేస్తానని ప్రకటించుకోవాల్సి వచ్చింది. శాసనసభలో అవిశ్వాస తీర్మానం ప్రవేశపెట్టినప్పుడు ప్రభుత్వానికి మద్దతుపలకాలని ముగ్గురు మంత్రులు ఒత్తిడి తీసుకువచ్చి ప్రలోభాలకు గురిచేసినా తాను లొంగలేదన్నారు. తానెప్పుడూ డబ్బులకోసం వెంపర్లాడలేదని స్పష్టం చేశారు.