టీమిండియా కెప్టెన్ విరాట్ కోహ్లీకి అనుష్క శర్మ వార్నింగ్ ఇచ్చిందట. ఇంతకీ ఏ విషయంలో అనుష్క శర్మ కోహ్లీకి వార్నింగ్ ఇచ్చింది అనుకుంటున్నారా..? అసలు సంగతేంటంటే.. ప్రస్తుతం ఐపీఎల్ సీజన్ జరుగుతున్న సంగతి తెలిసిందే. ఈ సీజన్ లో గుజరాత్ లయన్స్ ఆటగాడు రవీంద్ర జడేజా న్యూలుక్ షేవింగ్ చూసి కోహ్లీ కడుపుబ్బ నవ్వుకున్నాడు. అయితే జడేజా మాత్రం ఈ ట్రెండ్ కు తెరలేపాడనే చెప్పొచ్చు. ఎందుకంటే జడేజాను అనుసరిస్తూ.. ముంబై ఆటగాళ్లు హార్డిక్ పాండ్యా, రోహిత్ శర్మలు తమ న్యూ లుకింగ్ వీడియోలను సోషల్ మీడియాలో పోస్ట్ చేశారు. ఇక ఈ ఫొటోలపై స్పందించిన కోహ్లీ గడ్డం పెంచుకున్న తన ఫోటోను పెట్టి.. దానికి ' సారీ బాయ్స్  నేను నా గడ్డం తీయడానికి సిద్దంగా లేను. అలా మీరు గొప్ప పనిచేశారు' అని క్యాప్షన్ కూడా పెట్టారు. ఇక దీనికి వారు స్పందించడం ఏమో కానీ.. అనుష్క మాత్రం ' నీవల్ల కాదు' అని కోహ్లీ కి కౌంటర్ ఇచ్చింది.