తన కూతురింట్లో దొరికిన డబ్బుకు సంబంధించి చిరంజీవి పూర్తి స్థాయి విచారణకు సిద్ధపడాలని వైయస్సార్ కాంగ్రెసు పార్టీ అధికార ప్రతినిధి వాసిరెడ్డి పద్మ మంగళవారం అన్నారు. చిరంజీవి వియ్యంకుడికి అంత డబ్బు నగదు రూపంలో ఉంచుకునేంతంటి వ్యాపారాలు ఏమీ లేవని ఆమె అన్నారు. ఆ కుటుంబం ఆర్థికపరంగా ఇటీవల పలు ఇబ్బందులను ఎదుర్కొందని చెప్పారు. ఆర్థిక సంక్షోభంలో ఉన్న కుటుంబం వద్ద ఇంత డబ్బు నగదు రూపంలో ఉండే అవకాశమే లేదన్నారు. చిరంజీవి అత్యవసరంగా ఢిల్లీ వెళ్లి ఈ రోజు వాయలార్ రవిని ఎందుకు కలవవలసి వచ్చిందో చెప్పాలన్నారు.