సమైక్య రాష్ట్రం కోసం అవసరమైతే చట్టాన్ని చేతుల్లోకి తీసుకుంటామన్న ఏపీఎన్జీవో అధ్యక్షుడు అశోక్‌బాబు వ్యాఖ్యలపై కాంగ్రెస్ ఎంపీ వీ.హనుమంతరావు మండిపడ్డారు. రాష్ట్రానికి సీఎం కిరణా?...అశోక్ బాబా? అని ప్రశ్నించారు. సీమాంధ్ర ప్రజలను రెచ్చగొట్టే విధంగా కేసీఆర్ మాట్టాడితే తాము ఖండిస్తామని...మీరు అశోక్ బాబు నోరు మూయిస్తారా అని ప్రశ్నించారు. హైదరాబాద్ ను యూటీ చేయాలని జీవోఎంపై సీమాంధ్ర కేంద్ర మంత్రులు ఒత్తిడి తెస్తున్నారని విమర్శించారు. హైదరాబాద్ యూటీకి ఒప్పుకునే ప్రసక్తే లేదని స్పష్టం చేశారు. రాయలసీమ నేతల ధాటికి హైదరాబాద్, రంగారెడ్డి జిల్లాల్లో భూములే మిగల్లేదని, మళ్లీ రాయల తెలంగాణ ఎందుకని వీహెచ్ వ్యాఖ్యానించారు.