"చిన్నారి పెళ్లికూతురు" హీరోయిన్ ఆనంది అంటే తెలియనివారుండరు. ఆనంది ప్రస్తుతం హీరోయిన్ గా తెలుగు వెండితెరపై కనిపించి మరింత ఆనందాన్ని పంచడానికి "ఉయ్యాల జంపాలా" చిత్రం ద్వారా మన ముందుకు రాబోతుంది. అన్నపూర్ణ స్టూడియోస్ బ్యానర్లో రామ్ మోహన్ నిర్మించిన ఈ చిత్రానికి విరించి వర్మ దర్శకత్వం వహించాడు. ఈ చిత్రానికి నాగార్జున కొ-ప్రొడ్యుసర్ గా ఉన్నారు. ఈ చిత్ర ఆడియోను డిసెంబర్ 15న విడుదల చేయనున్నారు. సన్నీ సంగీతం అందించాడు. ఇటీవలే విడుదలైన టీజర్ కు మంచి స్పందన వస్తుంది. సినిమా కూడా మంచి విజయం సాధిస్తుందని చిత్ర యూనిట్ సభ్యులు గట్టి నమ్మకంతో ఉన్నారు.