తుమ్మల కంటతడి

తెలుగుదేశం పార్టీకి రాజీనామా చేసిన మాజీ మంత్రి, ఖమ్మం జిల్లాకి చెందిన సీనియర్ తెలుగుదేశం నాయకుడు తుమ్మల నాగేశ్వరరావు తాను రాజీనామా చేసిన విషయాన్ని ప్రకటించిన సమయంలో భావోద్వేగాన్ని తట్టుకోలేక కంటతడి పెట్టారు. దాదాపు మూడు దశాబ్దాలకు పైగా అనుబంధం వున్న తెలుగుదేశం పార్టీకి రాజీనామా చేయడం అనేది తుమ్మలకి కంటతడి పెట్టుకునే అంశమే. తుమ్మల నాగేశ్వరరావుతోపాటు తెలుగుదేశం పార్టీ ఖమ్మం జిల్లాకు చెందిన పలువురు తెలుగుదేశం నాయకులు టీడీపీకి రాజీనామా చేశారు. వారిలో ఖమ్మం జిల్లా టీడీపీ అధ్యక్షుడు కొండబాల, ఎమ్మెల్సీ బాలసాని, డిసిసిబి చైర్మన్ మువ్వ విజయ్ బాబు, జిల్లా పరిషత్ చైర్పర్సన్ కవిత, తెలుగు యువత జిల్లా అధ్యక్షుడు నాగచంద్రారెడ్డితోపాటు పలువురు కార్యకర్తలు వున్నారు.