ఆంధ్రప్రదేశ్ ఎమ్మెల్యేలకు శిక్షణా తరగతులు
Published on: Fri Jul 11, 2014 5:21PM
ఆంధ్రప్రదేశ్ శాసనసభ్యులు శాసనసభలో ఎలా మసలుకోవాలన్న అంశం మీద శిక్షణ ఇస్తూ వుంటారు. ముఖ్యంగా కొత్తగా శాసనసభ్యులు అయిన వారికి ఈ శిక్షణ చాలా అవసరం అందువల్ల జులై 18, 19 తేదీల్లో శాసనసభ్యులకు శిక్షణా తరగతులు ఏర్పాటు చేసినట్లు ఆంధ్రప్రదేశ్ శాసనసభ స్పీకర్ డాక్టర్ కోడెల శివప్రసాదరావు తెలిపారు. సభా వ్యవహారాలపై ఆంధ్రప్రదేశ్ శాసనసభ్యులకు శిక్షణ ఇచ్చేందుకు లోక్‌సభ స్పీకర్ సుమిత్రా మహాజన్, కేంద్ర ఆర్థిక మంత్రి అరుణ్‌ జైట్లీ, కేంద్ర పట్టణాభివృద్ధి శాఖ మంత్రి ఎం.వెంకయ్య నాయుడుతోపాటు నజ్మాహెప్తుల్లా, వినోద్‌ రాయ్, సుభాష్‌ కశ్యప్ వంటి ప్రముఖులు వస్తున్నారని స్పీకర్ కోడెల తెలిపారు.
