టెన్నిస్‌ స్టార్‌ సానియా మిర్జాను తెలంగాణ ప్రభుత్వం తెలంగాణ బ్రాండ్ అంబాసిడర్‌గా నియమించింది. ఈ నేపథ్యంలో ఆంధ్రప్రదేశ్ బ్రాండ్ అంబాసిడర్‌గా టాలీవుడ్ టాప్ స్టార్ ‘ప్రిన్స్’ మహేష్‌బాబును నియమించాలని ఆంధ్రప్రదేశ్ ముఖ్యమంత్రి చంద్రబాబు నాయుడు ఆలోచిస్తున్నారన్న వార్తలు వినిపిస్తున్నాయి. దీనికోసం మహేష్ బాబు బావ అయిన గుంటూరు ఎంపీ గల్లా జయదేవ్ మహేష్ బాబుతో రాయబారం చేస్తున్నారన్న అభిప్రాయాలూ వినిపిస్తున్నాయి. రాజకీయాలతో ఎలాంటి సంబంధం పెట్టుకోని మహేష్ బాబు గత ఎన్నికలలో తన సొంత బావకి ప్రచారం చేయడానికి కూడా ముందుకు రాలేదు. ఈ నేపథ్యంలో ఆంధ్రప్రదేశ్ బ్రాండ్ అంబాసిడర్‌గా ఉండటానికి అంగీకరిస్తారా అనే సందేహాలు వున్నాయి. ఆంధ్రప్రదేశ్ బ్రాండ్ అంబాసిడర్ కావడం అంటే తెలంగాణ ప్రజలకు దూరం అవ్వడం అనే కలరింగ్ వుంటుంది కాబట్టి దీనికి మహేష్ బాబు ఒప్పుకోకపోవచ్చన్న అభిప్రాయాలూ వున్నాయి. అయితే మహేష్‌బాబున్ ఆంధ్రప్రదేశ్ బ్రాండ్ అంబాసిడర్‌గా ఒప్పించాల్సిందిగా జయదేవ్‌కు చంద్రబాబు సూచించారన్న ఊహాగానాలు వినిపిస్తు్న్నాయి.