అన్నిటా ధరలు పెరిగిపోయిన ప్రస్తుత రోజుల్లో సిగరెట్లకు కూడా కరువొచ్చిపడిరదని ధూమపానప్రియులు వాపోతున్నారు. మొన్న మేనెలలోనే సిగరెట్ల రేట్లు భారీగా పెరిగాయి. అయినా ఇప్పుడు మళ్ళీ సిగరెట్లకు కొత్తరేట్లొస్తున్నాయంటూ ఎమ్మార్పీ రేటుకు మూడు నుంచి అయిదు రూపాయల వరకూ అదనంగా వసూలు చేస్తున్నారని ధూమపానప్రియులు ఆరోపిస్తున్నారు. ఇందుకు సంబంధించి ప్రభుత్వం నుంచి గానీ, సిగరెట్ల కంపెనీల నుంచి గానీ ఎటువంటి ప్రకటనా వెలువడనప్పటికీ అనధికారికంగా ఈ వసూళ్ళు జరిగిపోతున్నాయనీ, అదేమని అడిగితే కొత్తరేట్లు వచ్చాయంటూ బదులిస్తున్నారని వారు చెబుతూ, కేవలం నాలుగు నెలలు కూడా గడవకుండానే మళ్ళీ రేట్లు ఏవిధంగా పెంచుతారంటూ ప్రశ్నిస్తున్నారు. తిండిగింజలకేకాదు, చుట్టపీకలక్కూడా ఆందోళనలు చేయ్యాల్సిన అగత్యం ఈ ప్రభుత్వపాలనలో దాపురించిందని సామాన్యజనం వాపోతున్నారు.