చిన్నపిల్లలకు స్కూలుకు వెళ్లడమన్నా, ట్యూషన్లకు వెళ్ళడమన్నా, హోం వర్క్ చెయ్యడమన్నా అస్సలు ఇష్టముండదు. పిల్లలు ఎప్పుడూ ఆడుకోవడానికి, కార్టూన్స్ చూడడానికి ఇష్టపడతారు. కానీ పిల్లలను స్కూలుకు పంపడం మొదలుపెట్టిన తరువాత వారు ప్రాథమిక పాఠశాలకు వెళ్లేవరకు కూడా తల్లిదండ్రులు పిల్లలతో హోం వర్క్ చేయించాల్సి ఉంటుంది.  కానీ పిల్లలు హోం వర్క్ చేయడానికి ససేమీరా ఒప్పుకోరు. మొండి చేస్తారు. అలాకాకుండా పిల్లలు హ్యాపీగా హోం వర్క్ చేయాలంటే ఈ కింది టిప్స్ పాటించాలి..

పిల్లలకు హోంవర్క్‌ని సులభతరం చేయడానికి కొన్ని మార్గాలు ఉన్నాయి. చదువుకు అనుకూలమైన వాతావరణాన్ని ఏర్పరచాలి. పిల్లలు చదువుకునే ప్రదేశంలో ప్రశాంతత,  తగినంత వెలుతురు ఉండాలి. పిల్లల దృష్టిని మరల్చేది ఏమీ ఉండకూడదు. పిల్లలకి పెన్ను, కాగితం, రిఫరెన్స్ మెటీరియల్ ఉండాలి. కేవలం చదువులకే ప్రత్యేక స్థానం కల్పించడం వల్ల పిల్లల ఏకాగ్రత, ఉత్పాదకత రెండూ పెరుగుతాయి.

 పిల్లలకు సమయ నిర్వహణ నేర్పాలి..

 పిల్లలకు సమయ నిర్వహణ యొక్క ప్రాముఖ్యతను నేర్పాలి. ఉదాహరణకు టైమర్‌ను 25 నిమిషాలు సెట్ చేసి, ఆపై చిన్న విరామం తీసుకోమనాలి. పోమోడోరో టెక్నిక్ అని పిలిచే ఈ టెక్నిక్ ఉత్పాదకతను పెంచుతుంది.  మానసిక అలసటను తగ్గిస్తుంది. చిన్న చిన్న బ్రేక్ ల వల్ల పిల్లలకు విసుగు రాదు.

ఇది మాత్రమే కాకుండా  పిల్లల చదువులో వారికి సహాయం చేయడానికి పుస్తకాలు లేదా విద్యా వెబ్‌సైట్‌ల వంటి వాటిని  యాక్సెస్ చేయడానికి వారిని అనుమతించాలి. ఎక్కువ వనరులు అందుబాటులో ఉంటే పిల్లలు స్వతంత్రంగా పనిని పూర్తి చేయడం సులభం అవుతుంది. తల్లిదండ్రులు తమ దృష్టిని గ్రేడ్‌ల  మీద కాకుండా పిల్లల చదువు మీదనే ఉంచాలి. గ్రేడ్లు, ర్యాంకులు పిల్లలమీద ఒత్తిడి కలిగిస్తాయి.  ప్రశ్నలు అడగడానికి, విషయాలను లోతుగా అన్వేషించడానికి,  వాటిని  పూర్తిగా అర్థం చేసుకోవడానికి  పిల్లలను ప్రోత్సహించాలి.  జ్ఞానం,  వ్యక్తిగత అభివృద్ధి   ప్రధాన లక్ష్యాలుగా ఉండాలి.

మైక్రోమేనేజింగ్‌ను నివారించాలి..

 పిల్లల హోంవర్క్‌ను మైక్రోమేనేజింగ్ పద్ధతిలో నిర్వహించకూడదు. చాలామంది  దీనివల్ల  నిరాశ,  ప్రతిఘటనకు లోనవుతారు. దీనికి బదులుగా పిల్లలకు హోంవర్క్ చేయడంలో  మద్దతు ఇవ్వడం,  మార్గదర్శకత్వం అందించండం చేయాలి. దీనివల్ల   పిల్లవాడు తన స్వంత పనులను  సులువుగా పూర్తీ చేస్తాడు.

                                                        *నిశ్శబ్ద