న్యూ ఇయర్ వేడుకలకు షాకింగ్ న్యూస్...
Published on: Tue Dec 29, 2015 4:21PM

నూతన సంవత్సర వేడుకలను ఉత్సాహంగా జరుపుకోవాలని అనుకునేవారికి ఒక షాకింగ్ న్యూస్... నూతన సంవత్సర సందర్భంగా దేశంలో లష్కర్ ఎ తొయిబా ఉగ్రవాదులు దాడులకు పాల్పడే అవకాశం వుందని కేంద్ర నిఘావర్గాలు హెచ్చరించాయి. ఈ మేరకు అన్ని రాష్ట్రాలు, కేంద్ర పాలిత ప్రాంతాలకు హెచ్చరికలు జారీ చేశాయి. దేశంలో పలుచోట్ల ఉగ్రవాద దాడులు జరిగే అవకాశాలు వున్నాయని, ముఖ్యంగా నూతన సంవత్సర వేడుకలు జరిగే ప్రాంతాల్లో దాడులు జరపడానికి ఉగ్రవాదులు పథక రచన చేశారని సమాచారం అందిందని నిఘా వర్గాలు చెబుతున్నాయి. దీంతో అన్ని రాష్ట్రాలూ అప్రమత్తంగా వుండాలని, అనుమానిత వ్యక్తుల మీద నిఘా పెట్టాలని సూచించాయి. పాకిస్థాన్ నుంచి దాదాపు 20 మంది సభ్యులున్న ఉగ్రవాదుల బృందం దేశంలోకి చొరబడిందని, ముంబై తరహా దాడులకు పాల్పడే ప్రమాదం వుందని నిఘా వర్గాలు అనుమానిస్తున్నాయి. ప్రధాని, ముఖ్యమంత్రుల నివాసాలతోపాటు సైనిక, అణు సంబంధిత ప్రాంతాలపై దాడులు జరిపే అవకాశం వుందని భద్రత అధికారులు అనుమానిస్తున్నారు.


