కేర్ హాస్పిటల్‌లో కార్డియాలజిస్ట్‌గా విధులు నిర్వర్తిస్తున్న ప్రముఖ వైద్యులు డాక్టర్ నాగేశ్వరరావుకు తెలుగువన్ 15వ వార్షికోత్సవం సందర్భంగా తెలుగువన్ ఘనంగా సత్కరించింది. డాక్టర్ నాగేశ్వరరావు కార్డియాలజిస్ట్‌గా కేర్ హాస్పటల్‌లో విధులు నిర్వహిస్తూ ఎంతో మంది జీవితాలలో వెలుగు నింపారు. గుండెకు సంబంధించిన ఆపరేషన్ లు చేయడంలో ఈయన దిట్ట. ఈయన ఇప్పటివరకు 300 పైగా గుండె సంబంధిత ఆపరేషన్లు చేశారు. ఒక గర్భిణి గర్భంలో ఉన్న పసికందుకు హార్ట్ సర్జరీ చేసి స్టెంట్ వేశారాయన. అలాంటి అరుదైన ఆపరేషన్ చేసి వైద్య చరిత్రలో రికార్డ్ సృష్టించారు. అంతే కాకుండా ఎంతో మంది పేషెంట్లకు తక్కువ ఖర్చుతో ఆపరేషన్ జరిగేలా చూసే మానవతావాది ఆయన. ఆయన వైద్యంతో ఎంతో మంది పెషెంట్లు ఆయన ద్వారా కొత్త జీవితాన్ని పొందారు. ప్రతి రోగికి ఉత్తమమైన సేవలు అందించడమే ప్రధాన లక్ష్యంగా సాగుతున్నారు డాక్టర్ నాగేశ్వరరావు. తెలుగువన్ పౌండేషన్ ద్వారా చాలా మంది పేషెంట్లకు ఆయన సహాయం అందించారు. వైద్య వృత్తిలో నిర్విరామంగా కృషి చేస్తూ వేలాదిమంది జీవితాలలో సంతోషాన్ని నింపిన డాక్టర్ నాగేశ్వరరావు తన కెరీర్‌లో, వ్యక్తిగత జీవితంలో మరిన్ని విజయాలను అందుకోవాలని ‘తెలుగువన్’ కోరుకుంటోంది. ఆయనను సత్కరించే అవకాశం వచ్చినందుకు సంతోషిస్తోంది.