TeluguOne Health
● # Tweets

Download the TeluguOne App

Choose your platform to continue

పళ్ళు మింగితే ఆపరేషన్ చేశారు!

Published on: Sat Jun 28, 2014 12:58PM

 

భోజనం చేసే సందర్భంలో పళ్ళు కూడా తింటే ఆరోగ్యం అని అందరికీ తెలుసు. ఈ విషయాన్ని డాక్టర్లు, న్యూట్రిషన్ నిపుణులు కూడా చెబుతూ వుంటారు. అయితే నంద్యాలలోని ఓ మహిళ భోజనంతోపాటు పళ్ళు మింగేసింది. అది డాక్టర్లు సర్జరీ చేసి ఆ పళ్ళని బయటకి తీసేంత వరకూ వెళ్ళింది. ఇంతకీ ఆ మహిళ మింగింది తినడానికి పనికొచ్చే పళ్ళు కాదు.. తినడానికి ఉపయోగించే పళ్ళు.. అవేనండీ.. కట్టుడు పళ్ళు! నంద్యాలకు చెందిన లక్ష్మి అనే మహిళకి గతంలో పళ్ళు ఊడిపోవడం వల్ల కట్టుడు పళ్ళతో నెట్టుకొస్తోంది. గురువారం నాడు ఆమె భోజనం చేస్తూ అన్నంతోపాటు కట్టుడు పళ్ళ సెట్‌కూడా మింగేసింది. దాంతో ఆమెను కుటుంబ సభ్యులు హడావిడిగా ఆస్పత్రికి తీసుకెళ్ళారు. వైద్యులు చాలా శ్రమించి, చాకచక్యంగా సర్జరీ చేసి పళ్ళ సెట్టును బయటకి తీయడంతో ఆమె, బంధువులు ఊపిరి పీల్చుకున్నారు.