రెండు సంవత్సరాలకు సంబంధించిన తెలుగు సినీ దర్శకుల సంఘం ఎన్నికలు ఆదివారం హైదరాబాదులోని చలనచిత్ర వాణిజ్యమండలిలో జరిగాయి. తెలుగు సినీదర్శకుల సంఘం అధ్యక్షుడిగా వీరశంకర్ గెలుపొందారు. కృష్ణమోహన్ రెడ్డిపై వీరశంకర్ 17 ఓట్ల తేడాతో గెలుపొందారు.ఉపాధ్యక్షులుగా కాశీవిశ్వనాధ్, చంద్ర మహేష్ గెలుపొందారు. ప్రధాన కార్యదర్శిగా మద్దినేని రమేష్, సంయుక్త కార్యదర్శులుగా సాయివెంకట్, కృష్ణమోహన్, కోశాధికారిగా కాదంబరి కిరణ్, ఆర్గనైజింగ్ కార్యదర్శులుగా బాలాజీ, మధుర శ్రీధర్ లు గెలుపొందారు. మొదటిసారిగా ఈసీ మెంబర్ గా పోటీచేసిన ప్రియదర్శిని ఘన విజయం సాధించారు. తొలిసారిగా ఈ ఎన్నికల్లో ఈవీఎంలను వినియోగించారు. ఈ కార్యవర్గం రెండేళ్ళపాటు కొనసాగుతుంది. ఎగ్జిక్యూటివ్ సభ్యులుగా అజయ్ కుమార్, అనిల్ కావూరి, నిమ్మకాయల కోటేశ్వర రావు, సి.హెచ్.లక్ష్మణరావు, బి.శ్రీనివాసరావు, సి.గంగాధర్ గెలుపొందారు.