“ప్రపంచంలో తెలంగాణ ఒక్కటే సమస్యా?”  అంటూ కాంగ్రెస్ సీనియర్ నేత వాయలార్ రవి మరోసారి వివాదాస్పద వ్యాఖ్యలు చేశారు. ప్రత్యేక తెలంగాణ సమస్యకి పరిష్కారం ఎప్పుడు లభిస్తుందో తాను చెప్పలేనని ఆయన అన్నారు. ప్రత్యేక రాష్ట్రం ఏర్పాటు అంశం ప్రస్తుతం చర్చల దశలో ఉందని, దానిగురించి ప్రత్యేకంగా వ్యాఖ్యానించడానికేమీ లేదని అన్నారు. అనవసరంగా రాద్ధాంతం చేస్తూ తెలంగాణ ఒక్కటే ప్రపంచానికంతటికీ సమస్య అన్నట్టుగా వ్యవహరించడం సరికాదంటూ వాయలార్ రవి మండిపడ్డారు. అనవసరంగా తనని ఇబ్బందిపెట్టే ప్రశ్నలు వేసి వివాదాల్లోకి లాగొద్దంటూ మీడియాపై కూసంత అసహనాన్నికూడా వ్యక్చం చేశారు.