తెలంగాణ కొత్త జిల్లాల చిత్రపటం..

తెలంగాణ రాష్ట్ర ప్రభుత్వం ప్రస్తుతం కొత్త జిల్లాలకు సంబంధించిన కసరత్తులో ఉందన్న సంగతి తెలిసిందే. రాష్ట్రంలోప్రస్తుతం 10 జిల్లాలు ఉండగా.. ఇప్పుడు అదనంగా మరో 17 జిల్లాలు ఏర్పాటు చేయడానికి సర్కార్ తీవ్ర ప్రయత్నం చేస్తుంది. అంతేకాదు దీనికి సంబంధించి అఖిలపక్ష సమావేశాలు కూడా ఏర్పాటయ్యాయి. ఈ రాష్ట్రలకు సంబంధించిన నోటిఫికేషన్ ను కూడా ప్రభుత్వం విడుదల చేసింది. దీని ద్వారా ప్రజల నుండి ఫిర్యాదులు సేకరిస్తారు. అయితే ఇప్పుడు రాష్ట్రంలో కొత్తజిల్లాల చిత్రపటాలు సిద్ధమయ్యాయి. తెలంగాణ రిమోట్‌ సెన్సింగ్‌ ఏజెన్సీ ఈఆర్‌ఏసీ సహాయంతో భూపరిపాలన ప్రధాన కమిషనర్‌ రేమండ్‌ పీటర్‌ వీటిని రూపొందించారు. మొత్తం 27 ప్రతిపాదిత జిల్లాలకు సంబంధించిన పూర్తి వివరాలను ఇందులో పొందుపరిచారు. 27 జిల్లాలతో కూడిన రాష్ట్ర పటంతో పాటు 27 జిల్లాల పటాలను ఏర్పాటు చేశారు.