ఆంధ్రా ధాన్యం లారీలపై ఆంక్షలు.. తెలంగాణ బార్డర్ లో మళ్లీ రచ్చ..
Published on: Fri Nov 26, 2021 9:14AM
తెలుగు రాష్ట్రాల మధ్య మరో కొత్త వివాదం తెరపైకి వచ్చింది. ఆంధ్రప్రదేశ్ నుంచి నుంచి వెళ్లే వరి ధాన్యం లారీలను తెలంగాణ సరిహద్దు టోల్గేట్ దగ్గర.. తెలంగాణ పోలీసులు అడ్డుకుంటున్నారు. తెలంగాణ సర్కార్ ఆదేశాలతోనే స్థానిక పోలీసులు... ఆంధ్రా లారీలను ఆపేస్తున్నారు. దీంతో తెలంగాణ ప్రభుత్వ అనధికారిక ఆదేశాలతో ఆంధ్ర వరి రైతులు తీవ్రంగా నష్టపోతున్నారు. తెలంగాణ ఆదేశాలతో ఆంధ్ర రైతుల నుంచి వరి ధాన్యం కొనుగోలు చేసేందుకు స్థానిక వ్యాపారులు భయపడుతున్నారు. ప్రస్తుతం వర్షాలు కురుస్తుండటంతో రైతులకు దాన్యం నిలువ కష్టంగా మారింది. తెలంగాణ ప్రభుత్వంతో ఆంధ్ర ప్రభుత్వం చర్చించి పరిష్కరించాలని రైతులు కోరుతున్నారు.


