సమగ్ర కుటుంబ సర్వే ఫలితంగా మెదక్ జిల్లాలో ఓ మహిళ పురిటినొప్పులతో ప్రాణాపాయ స్థితిని ఎదుర్కొంది. మెదక్ జిల్లా శివంపేటకి చెందిన జ్యోతి అనే గర్భిణి పురిటి నొప్పులతో మంగళవారం ఉదయం ఏడు గంటలకు నరసాపూర్ ఆస్ప్తత్రికి అయితే డాక్టర్లు లేరంటూ సిబ్బంది ఆమెను తిప్పి పంపారు. సమగ్ర కుటుంబ సర్వే ఉండటం వల్ల సిబ్బంది ఎవరూ రారని చెప్పారు. వాస్తవానికి వైద్యసేవల లాంటి అత్యవసర సేవలకు సర్వే నుంచి మినహాయింపు ఇచ్చారు. అయినా వైద్యులు సర్వే పేరు చెప్పి విధులకు హాజరు కాలేదు. కనీసం ఆస్పత్రిలో నర్సులు, హెడ్ నర్సు ఉండాల్సి ఉన్నా, సర్వే కోసం వాళ్లు తమ తమ ఇళ్లకు వెళ్లినట్లు చెబుతున్నారు. కనీసం ప్రైవేటు ఆస్పత్రులు కూడా ఏవీ తెరవకపోవడంతో పురిటినొప్పులతో బాధపడుతున్న జ్యోతి నడిరోడ్డుమీదే ఉండిపోవాల్సి వచ్చింది.