జగన్ అక్రమ ఆస్తుల కేసులో నిందితుడు, పారిశ్రామికవేత్త నిమ్మగడ్డ ప్రసాద్‌కు తెలంగాణ హైకోర్టులో షాక్ తగిలింది. వాన్‌పిక్ చార్జిషీట్ నిందితుల నుంచి నిమ్మగడ్డ ప్రసాద్‌ని తొలగించడానికి హైకోర్టు నిరాకరించింది. ఈ మేరకు ఆయన వేసిన క్వాష్ పిటిషన్‌ని హైకోర్టు కొట్టేసింది. ఈ కేసు నుంచి తనను తొలగించాలని కోరుతూ సీబీఐ కోర్టులో డిశ్చార్జి పిటిషన్ వేసుకోవడానికి అనుమతి ఇచ్చింది. నిమ్మగడ్డ పిటిషన్ వేస్తే, ఈ తీర్పును పరిగణనలోకి తీసుకోకుండా స్వతంత్రంగా నిర్ణయం తీసుకోవాలని సీబీఐ కోర్టుకు హైకోర్టు సూచించింది.