తెలంగాణ ఉద్యోగులకు గుడ్ న్యూస్.. జూన్ కు పూర్తి జీతం
Published on: Wed Jun 24, 2020 10:58AM
తెలంగాణ ప్రభుత్వం ఉద్యోగులకు గుడ్ న్యూస్ చెప్పింది. రాష్ట్రంలోని ప్రభుత్వ ఉద్యోగులు, పెన్షనర్లలకు ఈ నెల(జూన్) పూర్తి జీతాలు చెల్లిస్తామని తెలిపింది. కరోనా లాక్ డౌన్ నేపథ్యంలో గత మూడు నెలల నుంచి ప్రభుత్వ ఉద్యోగులకు, పెన్షనర్లలకు 50 శాతం వేతనాలు మాత్రమే చెల్లిస్తోంది. లాక్ డౌన్ లో సడలింపులు ఇచ్చిన నేపథ్యంలో పూర్తి వేతనాలు చెల్లించాలని కొద్దిరోజులుగా డిమాండ్లు వ్యక్తమవుతున్నాయి. ఉద్యోగులు, పెన్షనర్ల ఆందోళనను పరిగణనలోకి తీసుకున్న సీఎం కేసీఆర్ జూన్ నెల పూర్తి వేతనం చెల్లించాలని నిర్ణయించారు. రాష్ట్రంలోని ప్రభుత్వ ఉద్యోగులు, పెన్షనర్లకు ఈనెల పూర్తి వేతనం చెల్లిస్తామని సీఎం ప్రకటించారు. రాష్ట్ర ఆదాయ పరిస్థితి కొంచెం కొంచెం మెరుగుపడుతున్న మేరకు ఈ నిర్ణయం తీసుకున్నట్లు సీఎం వెల్లడించారు. ఈనెల ఉద్యోగులకు పూర్తి వేతనాలు, పెన్షనర్లకు పూర్తి పింఛన్లు చెల్లించాలని సీఎం కేసీఆర్ అధికారులను ఆదేశించారు.


