కమల్నాథన్ కమిటీ మార్గదర్శకాలపై టీ ఉద్యోగుల మండిపాటు!
posted on Jul 25, 2014 11:53PM
స్థానికత అంశంలో తాము చేసిన సూచనలను కమల్నాథన్ కమిటీ ఏమాత్రం పరిగణనలోకి తీసుకోలేదని తెలంగాణ ఉద్యోగ సంఘాల నేతలు మండిపడుతున్నారు. ఉద్యోగుల విభజనపై కమల్నాథన్ కమిటీ మార్గదర్శకాలను వెల్లడించిన విషయం తెలిసిందే. కమల్నాథన్ కమిటీ ఉద్యోగుల విభజనపై మార్గదర్శకాలను వైబ్సైట్లో పొందుపర్చిన అనంతరం తెలంగాణ ఉద్యోగ సంఘాల నేతలు మీడియాతో మాట్లాడారు. ఉమ్మడి రాష్ట్రంలో తెలంగాణ ఉద్యోగులు తీవ్రంగా నష్టపోయారని, స్థానికతపై తమ విజ్ఞప్తులు ఇప్పటికైనా పరిగణలోకి తీసుకోవాలని కోరారు. స్థానికత నిర్ధారణకు సరైన యంత్రాంగం లేదని ఆరోపించారు. స్థానికతను నిర్ధారించేందుకు ప్రత్యేక కమిటీని ఏర్పాటు చేయాలన్నారు. ఉద్యోగుల ఆప్షన్ ఫాంలో తల్లిదండ్రుల స్థానిక వివరాలు తీసుకోవాలని డిమాండ్ చేశారు.