ఆయనసలే పక్కా తెలంగాణ వాది.. పైగా మంత్రి పదవిలో వున్నారు. ఆయనకి చిర్రెత్తుకొచ్చింది... దాంతో మాజీ సీఎం చిరిగిపోయాడు. అసలేం జరిగిందంటే, తెలంగాణ ఉప ముఖ్యమంత్రి డాక్టర్ రాజయ్య మహబూబ్ నగర్ జిల్లాలోని నాగర్ కర్నూల్ ప్రభుత్వ ఆస్పత్రిలో అధికారిక కార్యక్రమంలో పాల్గొనడానికి వెళ్ళారు. అక్కడ ఆయనకి ఆస్పత్రి గోడ మీద తెలంగాణ సీఎం కేసీఆర్ ఫొటో కనిపించినట్టయితే బాగుండేది. కానీ ఆయనకి మాజీ ముఖ్యమంత్రి కిరణ్ కుమార్ రెడ్డి ఫొటో కనిపించింది. తెలంగాణ ఆస్పత్రి గోడ మీద పక్కా సమైక్యవాది కిరణ్ కుమార్ రెడ్డి ఫొటో చూసేసరికి డిప్యూటీ సీఎం రాజయ్య కోపం కట్టలు తెంచుకుంది. ఆగ్రహంతో ఊగిపోతూ కిరణ్ కుమార్ రెడ్డి ఫొటోని గోడ మీద నుంచి లాగి పరపరా చింపేశారు. అప్పటిగానీ ఆయన ఆవేశం తగ్గలేదు.