మెదక్ జిల్లా రామాయంపేట రైతులపై లాఠీఛార్జ్‌ దారుణమని టీ పీసీసీ చీఫ్ పొన్నాల లక్ష్మయ్య మండిపడ్డారు. మెదక్ జిల్లా నార్సింగిలో రైతులపై జరిగిన లాఠీ ఛార్జి సంఘటన మీద పొన్నాల స్పందించారు. కరెంట్‌ అడిగితే లాఠీలతో కొడతారా అంటూ నిలదీశారు. తెలంగాణ రైతులు సమస్యలతో ఆత్మహత్యలు చేసుకుంటున్నారని పొన్నాల ఆవేదన వ్యక్తం చేశారు. రైతులపై లాఠీఛార్జ్‌ బాధాకరమని, తెలంగాణ రైతులకు కేసీఆర్‌ క్షమాపణ చెప్పాలని కాంగ్రెస్ ఎమ్మెల్సీ షబ్బీర్‌ అలీ డిమాండ్ చేశారు. రైతులు, విద్యార్థుల వల్లే ప్రత్యేక రాష్ట్రం వచ్చిందని, ఈ విషయాన్ని కేసీఆర్ విస్మరించరాదని చెప్పారు. సమస్యలపై సమీక్షించడం మానేసి ‘‘ఆకర్ష’’ పథకం మీద కేసీఆర్‌ దృష్టి సారిస్తున్నారని షబ్బీర్‌ అలీ మండిపడ్డారు.