ప్రముఖ కవి కాళోజి నారాయణ రావు పేరిట వరంగల్ పట్టణంలో ‘కాళోజీ యూనివర్సిటీ ఆఫ్ హెల్త్ సైన్సెస్’ అనే ఆరోగ్య విశ్వవిద్యాలయం స్థాపించేందుకు తెలంగాణా ప్రభుత్వం సిద్దం అవుతోంది. తెలంగాణా ఉపముఖ్యమంత్రి డా.రాజయ్య ఇదే మాట ప్రజలకు చెప్పినందుకు అందరి ముందు ముఖ్యమంత్రి కేసీఆర్ చివాట్లు పెట్టారు. కానీ ఇప్పుడు ఆయనే ఆ ప్రతిపాదనను ఆమోదించడమే కాకుండా దానికి కాళోజీ పేరును కూడా సూచించారు. ఈ హెల్త్ యూనివర్సిటీ అనేది రాత్రికి రాత్రి తీసుకొనే నిర్ణయం కాదని అందరికీ తెలుసు. డా.రాజయ్య చెప్పిన విధంగానే వరంగల్లో విశ్వవిద్యాలయం స్థాపనకు ప్రభుత్వం కసరత్తు ముఖ్యమంత్రి కేసీఆర్ ఆచరణ సాధ్యం కాని హామీలు ఈయవద్దని ఆయనను నలుగురిలో మందలించడం దేనికి? అంటే డా.రాజయ్య ఆ విషయాన్ని బహిర్గతం చేయడం వలన తనకు దక్కాల్సిన ఆ ఖ్యాతి ఆయనకు చెందుతుందనే అసూయతో ఆవిధంగా అవమానించారా? లేక దళిత మంత్రుల పట్ల ఆయనలో చులకన భావం ఉండటం వలననే ఆవిధంగా అవమానించారా? ఏమయినప్పటికీ వరంగల్లో ఆరోగ్య విశ్వవిద్యాలయం స్థాపింపబడాలనే తన చిరకాల వాంఛ తీరబోతున్నందుకు డా.రాజయ్య చాలా ఆనందం వ్యక్తం చేసారు.