పోలవరం బిల్లుకు వ్యతిరేకంగా తెలంగాణ రాజకీయ పక్షాలు చేపట్టిన బంద్ సంపూర్ణమైంది. పోలవరం బిల్లును పార్లమెంటు ఆమోదించడాన్ని నిరసిస్తూ.. టీఆర్ఎస్, టీజేఏసీ బంద్‌కు పిలుపునిచ్చాయి. దీంతో ఆర్టీసీ బస్సులు డిపోలకే పరిమితమయ్యాయి. దుకాణాలు, పాఠశాలలు మూతబడ్డాయి. తెలంగాణలో ఆర్టీసీ బస్సులు నిలిచిపోవడంతో ప్రయాణికులు ఇబ్బందులు ఎదుర్కొన్నారు. హైదరాబాద్‌లోని ఇమ్లీబన్ నుంచి తెలంగాణ జిల్లాలలో పాటు సీమాంధ్ర జిల్లాలకు రాకపోకలు సాగించే బస్సులు ఆగిపోయాయి. హైదరాబాద్‌లోని వ్యాపార సంస్థలు మూతపడ్డాయి. జంటనగరాల్లోని స్కూళ్లకు బంద్ సందర్భంగా సెలవు ప్రకటించారు. తెలంగాణ జిల్లాలన్నిటిలో బంద్ సంపూర్ణంగా జరిగింది.