అవునూ..కంచె వచ్చింది అప్పుడే.!
Published on: Fri Jul 4, 2014 3:12PM
.jpg)
తెలంగాణ, ఆంధ్రప్రదేశ్ సచివాలయల మధ్య ఏర్పాటు చేసిన ఇనుప కంచె వివాదస్పదమైన విషయం తెలిసిందే. కంచె ఏర్పాటుకు గవర్నర్ పరిపాలనలోనే అనుమతి ఇచ్చారని హరీష్ రావు చెప్పడం, దానిని రాజ్ భవన్ వర్గాలు ఖండించాయి. సచివాలయంలో ఏర్పాటు చేసిన బారికేడ్లతో గవర్నర్ నరసింహన్ గారికి సంబంధం లేదని వివరణ ఇచ్చారు. దీనిపై మళ్ళీ హరీష్ రావు వివరణ ఇచ్చారు. ఏప్రిల్ 26వ తేదీన జీవో 426ఇచ్చారని.. అప్పటికి రాష్ట్రంలో రాష్ట్రపతి పాలనే ఉందని గమనించాలని వివరించారు. దీనికి సంబంధించిన జి.ఓని హరీష్ రావు విడుదల చేశారు. ఆఖరికి సచివాలయంలో కంచె వేయాలన్న నిర్ణయం చివరికి గవర్నర్ పాలనలోనే జరిగినట్లు తేలింది. అయితే ఆ విషయం బహుశా గవర్నర్ నరసింహన్ దృష్టికి రాకుండానే ఆటోమాటిక్ గా జరిగిపోయి ఉండవచ్చు. ఆ జిఓలోని అంశం ప్రాతిపదికగా ప్రస్తుత ప్రభుత్వం అమలు చేసి ఉండవచ్చు.


