తెలంగాణ ముఖ్యమంత్రి కేసీఆర్‌ మీద తెలంగాణ తెలుగుదేశం నాయకుడు చేసిన ఆరోపణలు నిరూపించకపోతే ఆయన నాలుక కోస్తామని టీఆర్ఎస్ నాయకుడు, పెద్దపల్లి ఎంపీ బాల్క సుమన్ హెచ్చరించారు. ఇప్పటికైనా కేసీఆర్ మీద ఆరోపణలు మానుకోకపోతే సరైన బుద్ధి చెబుతామని సుమన్ హెచ్చరించారు. రేవంత్ రెడ్డిని సుమన్ ఓ బఫూన్ అని అభివర్ణించారు. ఓ బఫూన్ కేసీఆర్ మీద మాట్లాడితే ఒక వర్గం మీడియా అతిగా ప్రచారం చేస్తోందని ఆరోపించారు. సామాన్యుడైన రేవంత్ రెడ్డి కోట్లకు ఎలా పడగలెత్తాడని? కాంట్రాక్టర్లను బెదిరించి రేవంత్ రెడ్డి డబ్బు సంపాదించాడని, ఆ డబ్బులతోనే జూబిలీహిల్స్‌లో రేవంత్ రెడ్డి బిల్డింగ్ కడుతున్నాడని బాల్క సుమన్ ఆరోపించారు.