ఒకవైపు పాదయాత్రతో చంద్రబాబు హోరెత్తిస్తున్నప్పటికీ, తెలుగుదేశం పార్టీనుంచి వలసలు ఆగకపోవడం విశేషం. తాజాగా పశ్చిమ గోదావరి జిల్లా గోపాలపురం ఎమ్మెల్యే వనిత తెలుగుదేశం పార్టీని విడిచిపెడుతున్నారు. స్థానికంగా తెలుగుదేశం నాయకులతో పొసగకపోవడం, వచ్చే ఎన్నికల్లో సీటు గ్యారంటీ లేకపోవడమే ఆమె ఇటువంటి నిర్ణయం తీసుకోవడానికి కారణమని చెబుతున్నారు. ఆమె వైఎస్సార్‌ కాంగ్రెస్‌ పార్టీతో కొంతకాలంగా మంతనాలు సాగిస్తున్నారు. ఇప్పుడు అధికారికంగా ఆ పార్టీలోకి జంప్‌ అవుతున్నారు.