TeluguOne Health
● # Tweets

Download the TeluguOne App

Choose your platform to continue

టీడీపీ కార్యకర్త దారుణ హత్య..

Published on: Tue Jan 5, 2016 12:09PM

కర్నూలు జిల్లాలో పాతకక్షలు మరోసారి బయటపడ్డాయి. దీంతో కర్నూలు జిల్లాలోని బనగానపల్లి మండలం రామకృష్ణాపురంలో దారుణమైన ఘటన చోటుచేసుకుంది. పాత కక్షల కారణంగా తెలుగుదేశం కార్యకర్త వల్లూరి నగేష్‌(35)ను ప్రత్యర్థులు వేటకొడవళ్లతో నరికి చంపారు. వివరాల ప్రకారం.. ప్రత్యర్థులు వల్లూరి నగేష్‌ కోసం కాపు కాసి అతను బయటకు రాగనే ముందుగా అతనిపై రాళ్లతో దాడి చేసి ఆతరువాత వేట కొడవళ్లతో నరికి చంపేశారు. అనంతరం దండగులు పారిపోయారు. దీంతో గ్రామంలో తీవ్ర ఉద్రిక్తత నెలకొంది. మృతుడి కుటుంబ సభ్యులు పోలీసులకు ఫిర్యాదు నమోదు చేయగా.. పోలీసులు హత్యచేసి పారిపోయిన నిందితులకోసం గాలిస్తున్నారు. మృతుడు నగేష్ గతంలో జరిగిన ఓ హత్య కేసులో ముద్దాయిగా ఉన్నాడని.. ప్రతికారంతోనే ప్రత్యర్థులు అతన్ని హత్య చేసి ఉంటారని పోలీసులు భావిస్తున్నారు.