2012 ఉప ఎన్నికల్లో పోటీ చేస్తున్న కడపజిల్లా రాయదుర్గం తెలుగుదేశం పార్టీ అభ్యర్థి దీపక్ రెడ్డి దేశంలోనే అత్యంత ధనికనేతగా గుర్తింపునందుకున్నారు. ఎన్నికల కమీషన్ ఆయన సమర్పించిన అఫిడవిట్ లో దీపక్ రెడ్డి ఆస్తి విలువ రూ.6,781కోట్లు. అప్పులు రెండుకోట్లు మాత్రమే. అయితే ఈయన ఆస్తి అంతా హైదరాబాద్ పరిసరాల్లోనూ, రంగారెడ్డి జిల్లాలోనూ కేంద్రీకృతమై ఉంది. అంతేకాకుండా ఆస్తిలో ఎక్కువభాగంగా అత్యంత విలువైన భూములున్నాయి. హైదరాబాద్ నగర శివారు జహీరాబాద్ లో రూ.3218 కోట్ల విలువైన 3128 ఎకరాల బూమి దీపక్ రెడ్డికి ఉంది. బంజారాహిల్స్ లో 37 ఎకరాల 24గుంతల భూమి, ఎమ్మెల్యే కాలనీలో 19 ఎకరాలు దీని విలువ రూ,367.8కోట్లు, బంజారాహిల్స్ పరిసరాల్లోనే రూ. 463కోట్ల విలువైన 18 ఎకరాల 24 గుంటల భూమి, గుడిమల్కాపూర్ వద్ద 943.8 కోట్ల విలువైన భూమి, బండ్లగూడలో రూ. 331.5కోట్ల విలువైన స్థలం దీపక్ రెడ్డికి ఉన్నాయి. రంగారెడ్డి జిల్లాలోని కొత్వాల్ గూడలో రూ. 529.10కోట్ల విలువైన భూమి, భార్య అమితారెడ్డి పేరిట రూ. 9.70కోట్ల ఆస్తి ఉన్నాయి. పిల్లలిద్దరి పేరిట కూడా ఆస్తులున్నాయని దీపక్ రెడ్డి తన అఫిడవిట్ లో ధ్రువీకరించారు.