ఈ 2012 ఉప ఎన్నికల్లో తెలుగుదేశంపార్టీ ఆరుస్థానాల్లో విజయం సాధిస్తుందని విశ్లేషకులు అభిప్రాయపడుతున్నారు. పక్కాగా రెండు స్థానాలు, బలంగా ఉన్న నాలుగుస్థానాలు కలిపి ఆరు తమదేనని తెలుగుదేశంపార్టీ నేతలు ధీమా వ్యక్తం చేస్తున్నారు. ముందుగా పక్కగా గెలుస్తామని ఆ పార్టీ చెప్పుకుంటున్న రెండింటిలో ప్రత్తిపాడు, పాయకరావుపేట ఉన్నాయి. గుంటూరు జిల్లా ప్రత్తిపాడు తెలుగుదేశంపార్టీ అభ్యర్థి వీరన్న, విశాఖజిల్లా పాయకరావుపేట అభ్యర్థి చెంగల వెంకట్రావు గెలుపొందుతారు. వీరి తరువాత బలంగా ఉన్న నియోజకవర్గాల్లో తిరుపతి, ఎమ్మిగనూరు, మాచర్ల, రాజంపేట ఉన్నాయి. తిరుపతి అభ్యర్థి చదలవాడ కృష్ణమూర్తికి మంచి ఫాలోయింగ్ ఉంది. కొన్ని కులసంఘాలూ బహిరంగ మద్దతు ఇస్తున్నాయి. ఎమ్మిగనూరు నుంచి మాజీ ఎమ్మెల్యే బివి మోహనరెడ్డి గెలుపొందవచ్చని చంద్రబాబు భావిస్తున్నారు.