టీఆర్ఎస్ కు ధీటుగా టీడీపీ ప్రచారం..
Published on: Thu Jan 14, 2016 11:43AM

గ్రేటర్ హైదరాబాద్ ఎన్నికల్లో భాగంగా అధికార పార్టీకి ధీటుగా టీడీపీ-బీజేపీ పార్టీలు కూడా బానే వ్యూహాలు రచిస్తున్నట్టు కనిపిస్తుంది. ఇప్పటివరకూ ప్రచారంలో దూసుకుపోతున్న అధికార పార్టీకి ధీటుగా ఇప్పుడు ఈ మిత్రపక్షాలు కూడా దూసుకెళ్తున్నట్టు వార్తలు వినిపిస్తున్నాయి. దీనిలో భాగంగానే టీఆర్ ఎస్ అధికారంలోకి వస్తే గ్రేటర్ హైదరాబాద్ నిధులను తెలంగాణకు ప్రభుత్వ ఇతర సంక్షేమ పథకాలకు మళ్లించేస్తారని హైదరాబాద్ ప్రజలు మాత్రం గతుకుల రోడ్లతో మంచినీటి కరువుతో కటకటలాడాల్సిందేనని టీడీపీ ప్రచారం చేస్తోందట. అంతేకాదు హైదరాబాద్ నిధుల మళ్లింపు గురించి కూడా వివరంగా చెబుతున్నారంట. దీంతో ఈ విషయంలో టీడీపీ ప్రచారానికి ప్రజల్లో మంచి ఆదరణే లభిస్తుందట. మరోవైపు బీజేపీ కూడా టీఆర్ఎస్ వాదననే అందిపుచ్చుకుంటోంది. టీఆర్ఎస్ కు ఓటు వేస్తే మజ్లిస్ కు వేసినట్లేనని ప్రచారం చేస్తోంది. మొత్తానికి టీడీపీ మంచి ప్లానే వేసి టీఆర్ఎస్ పార్టీని దెబ్బతీసే ప్రయత్నం చేస్తున్నట్టుంది.


