చింతచెట్టు చిగురుచూడు ... చిన్నదాని సొగసు చూడు ... అన్నాడో సినీకవి. అయితే ఇప్పుడు పట్టాన ప్రజలు మాత్రం చింతచిగురు ధరలు చూసి బావురుమంతున్నారు. హైదరాబాద్, విశాఖపట్నం, విజయవాడ, తిరుపతి, వరంగల్ వంటి నగరాలు, పట్టణాల్లో కూరగాయల ధరలతో పాటు చింతచిగురు ధరలు కూడా కొండెక్కి కూర్చున్నాయి. కిలో చింతచిగురు ధర దాదాపు 200 రూపాయల వరకూ పలుకు తోంది. చింతచెట్లు తగ్గిపోవడం, చింతచిగురు సేకరించే ఓపిక లేకపోవడంతో ఈ ఏడాది చింతచిగురుకు కొరత ఏర్పడింది. ఓపిక ఉన్న కొంతమంది వ్యాపారులు చింతచిగురును సేకరించి పట్టణాలూ, నగరాల్లో విక్రయిస్తున్నారు. అయితే కిలో రెండొందల రూపాయలకు విక్రయిస్తే తమకు గిట్టుబాటుకావటం లేదని వారు అంటున్నారు. అయితే చింతచిగురు రుచికి అలవాటుపడ్డ ప్రాణాలు రేటెంతైనా కొనకతప్పాడు కదా అంటున్నారు. ఈ చింతచిగురులో పులుపు లక్షణాలు ఉండటంతో వంటకాలకు ఉపయోగిస్తున్నారు. వీటితో చేసే వంటకాలు రుచిగా ఉండటంతో పాటు ఆరోగ్యానికి మేలు చేస్తుందని వైద్యులు అంటున్నారు.