తమిళ హీరో ధనుష్ కోయంబత్తూరు జిల్లాలో నిర్మిస్తున్న అత్యంత అధునాతన భవనాన్ని తమిళనాడు అధికారులు మంగళవారం నాడు నేలమట్టం చేశారు. కోయంబత్తూరు జిల్లాలోని వైదేహీ నీర్‌విళిచ్చి ప్రాంతంలో ధనుష్ ఒక పెద్ద భవంతిని నిర్మిస్తున్నారు. అయితే ఈ భవనం అటవీశాఖకు సంబంధించిన స్థలంలో నిర్మించారని, ప్రభుత్వం నుంచి ఎలాంటి అనుమతులు తీసుకోలేదని అందుకనే కూల్చివేయడం జరిగిందని అధికారులు చెబుతున్నారు. మంగళవారం నాడు ధనుష్ పుట్టినరోజు జరుపుకున్నారు. ధనుష్ పుట్టినరోజు నాడే ఆయన ఎంతో ఇష్టపడి కట్టుకుంటున్న భవనాన్ని కూల్చివేయడం చాలా బాధాకరమని ఆయన అభిమానులు అంటున్నారు. ధనుష్ తాజాగా హీరోగా నటించి, నిర్మించిన ‘ఇల్లా పట్టదారి’ సినిమా ఘన విజయం సాధించింది. ఈ కూల్చివేత ఘటన ఆ ఆనందాన్ని కూడా ఆవిరిచేసేసింది.