TeluguOne Health
● # Tweets

Download the TeluguOne App

Choose your platform to continue

స్విస్ బ్యాంక్ అకౌంట్ల లిస్టు రెడీ అవుతోంది

Published on: Mon Jun 23, 2014 11:25AM

 

Swiss prepare list of Indians with black money, indian Black money, Swiss to share black money list

 

 

భారత ప్రధాని నరేంద్రమోడీ దేశ ప్రజలకు మొదట ఇచ్చిన హామీ, స్విట్జర్లాండ్‌లోని బ్యాంకుల్లో మూలుగుతున్న నల్లధనాన్ని ఇండియాకి తెప్పించి ఆ డబ్బుతో సంక్షేమ కార్యక్రమాలు చేపట్టడం. దానికి అనుగుణంగా కార్యాచరణ మొదలైంది. స్విట్జర్లాండ్ బ్యాంకుల్లో వున్న అకౌంట్లలో ఇండియన్ల అకౌంట్లకి సంబంధించిన లిస్టును అక్కడి బ్యాంకులు రెడీ చేస్తున్నాయి. ఇండియాలో పన్నులు ఎగవేయడం, అవినీతి ద్వారా సంపాదించిన డబ్బును స్విస్ బ్యాంకులో దాచారన్న విమర్శలు వినిపిస్తున్న నేపథ్యంలో స్విస్ బ్యాంకులు తమ దగ్గర వున్న ఇండియన్స్ అకౌంట్ల జాబితాని తయారు చేస్తున్నాయి. తమ దగ్గర వున్న అకౌంట్లలో ఏ అకౌంట్‌ని ఎవరు ఓపెన్ చేశారు, ఏ అకౌంట్లో ఎంత డబ్బుంది లాంటి వివరాలన్నీ త్వరలో భారత ప్రభుత్వానికి అందనున్నట్టు సమాచారం. దీనికి సంబంధించిన వివరాలను స్విస్ అధికారులు ఈ అంశం మీద భారత ప్రభుత్వం ఏర్పాటు చేసిన ప్రత్యేక దర్యాప్తు బృందం (సిట్)తో కలిసి పనిచేస్తామని, సిట్‌కు అవసరమైన సహాయ సహకారాలు అందిస్తామని తెలిపారు. స్విస్ బ్యాంకుల్లో వున్న విదేశీ నిధుల్లో భారత్ 58వ స్థానంలో నిలిచింది. స్విట్జర్లాండ్ బ్యాంకింగ్ వ్యవస్థలో మొత్తం 1.6 ట్రిలియన్ డాలర్ల మేర పేరుకున్న విదేశీ నిధులు వున్నాయి. ఇందులో భారత్ వాటా 0.15 శాతం (రూ. 14 వేల కోట్లు) మాత్రమేనని చెబుతున్నారు.