TeluguOne Health
● # Tweets

Download the TeluguOne App

Choose your platform to continue

సుప్రీం కోర్టులో ఏపీ సర్కార్ కు మరోసారి చుక్కెదురు.. 

Published on: Thu Sep 3, 2020 11:37AM

ఏపీలో విద్యాబోధనకు ఆంగ్ల మాధ్యమాన్ని తప్పనిసరి చేస్తూ జగన్ సర్కారు తీసుకొచ్చిన 81, 85 జీవోలను హైకోర్టు రద్దు చేసిన సంగతి తెలిసిందే. దీంతో హైకోర్టు తీర్పు పై ఏపీ ప్రభుత్వం సుప్రీం కోర్టును ఆశ్రయించింది. విద్యార్థుల తల్లిదండ్రుల్లో 94 శాతం మంది ఇంగ్లిష్‌ మీడియంలో బోధననే కోరుతున్నారని అందువల్ల హైకోర్టు ఉత్తర్వులపై స్టే విధించాలని సుప్రీంకోర్టును కోరింది. అయితే ఏపీ ప్రభుత్వ అభ్యర్ధనకు సుప్రీంకోర్టులో చుక్కెదురైంది. ఏపీ ప్రభుత్వ అభ్యర్థనపై విచారణ జరిపిన సుప్రీంకోర్టు దాన్ని తిరస్కరించింది. అంతేకాకుండా కేవియట్ వేసిన విద్యార్థుల తల్లిదండ్రులు, ప్రొఫెసర్లు కూడా రెండు వారాల్లో అఫిడవిట్‌ దాఖలు చేయాలని ఆదేశించింది. ఈ పిటిషన్ పై తదుపరి విచారణను ఈ నెల 25కు వాయిదా వేస్తున్నట్లుగా సుప్రీంకోర్టు తెలిపింది.