సహారా అధినేత సుబ్రతా రాయ్ నెత్తిన సుప్రీం కోర్టు పాలు పోసింది. వేల కోట్ల రూపాయల ఆర్థిక నేరాల కేసులో సహారా గ్రూప్ అధినేత సుబ్రతారాయ్ గత కొంతకాలంగా జైల్లోనే వుంటున్న విషయం తెలిసిందే. తనను జైల్లోంచి విడుదల చేస్తే ఉన్న ఆస్తులన్నీ అమ్మేసి జనానికి ఇవ్వాల్సిన డబ్బు ఇస్తానని సుబ్రతారాయ్ గత కొంతకాలంగా సుప్రీం కోర్టుకు మొర పెట్టుకుంటున్నాడు. అయితే దీనికి గతంలో అనేకసార్లు సుప్రీంకోర్టు నో చెప్పింది. అయితే ఇప్పుడు తాజాగా సుప్రీం కోర్టు సుబ్రతారాయ్‌కి ఒర అవకాశం ఇచ్చింది. ప్రస్తుతం సుబ్రతా రాయ్ వుంటున్న తీహార్ జైలు నుంచే ప్రతి నెలా 10 రోజులపాటు తన ఆస్తుల అమ్మకాలను పర్యవేక్షించుకోవచ్చని అనుమతి ఇచ్చింది. ఈనెల 5వ తేదీ నుంచి తన ఆస్తుల విక్రయానికి సంబంధించిన లావాదేవీలను జైలు ఆవరణలోనే జరుపుకోవచ్చని సూచించింది.