TeluguOne Health
● # Tweets

Download the TeluguOne App

Choose your platform to continue

సుజనా చౌదరి: విధేయతకు పట్టం

Published on: Mon Nov 10, 2014 8:54AM

 

రాజకీయాల్లో విధేయత, కష్టపడేతత్వం ఉన్న నేతలు చాలా అరుదుగా ఉంటారు. అలాంటి వారే ఉన్నత స్థానానికి వెళ్లగలుగుతారు. లీడర్లు ఎంతమంది ఉన్నా వారికుండే గుర్తింపు వారికుంటుంది. అలాంటి వారిలో ఒకరు సుజనా చౌదరి. టీడీపీకి కష్టకాలంలో ఎంతో అండగా నిలిచిన వ్యక్తుల్లో సుజనా చౌదరి ఒకరు. పార్టీకి సంబంధించిన పలు వ్యవహారాల్లో కీ రోల్ పోషించారాయన. చంద్రబాబుకు వెన్నుదన్నుగా ఉంటూ మంచి వ్యూహకర్తగా పేరుపొందారు. టీడీపీ డెవలప్ మెంట్ కోసం అనుక్షణం తపించే ఈ స్వభావమే ఆయనను బాబుకు దగ్గర చూసింది. అందుకే టీడీపీ రాజ్యసభ కోసం ఎంతో పోటీ ఉన్నా... వారందరినీ కాదని మరీ సుజనాకు ఎంపీ సీటిచ్చి గౌరవించారు చంద్రబాబు. ఆ తర్వాత ఎన్నికల సమయంలోనూ సుజనా అమూల్యమైన సేవలందించారు. పార్టీ అభ్యర్థుల ఎంపికతో పాటు పలు వ్యవహారాలను చూశారు. ముఖ్యంగా టీడీపీ, బీజేపీ పొత్తు ఉండాల్సిందేనని మొదటి నుంచి పట్టుబట్టిన నేతల్లో ఈయన కూడా ఒకరు. స్టేట్ డెవలప్ మెంట్ జరగాలంటే కేంద్రం సహకారం కాబట్టి... బీజేపీతో అలయన్స్ ఉండాల్సిందేనని చంద్రబాబుకు ముందు నుంచి చెబుతూ వచ్చారు. అనుకున్నట్టే పొత్తు కుదిరింది... కేంద్రంలో మోడీ సర్కార్ వచ్చింది. టీడీపీ మిత్రపక్షం కాబట్టి కేంద్ర మంత్రివర్గంలో సుజనాకు మొదటి విస్తరణలోనే పదవిఖాయం అనుకున్నారంతా. కానీ సామాజిక సమీకరణల్లో ఆయన పేరు మిస్సయ్యింది. అయినా ఏం ఆందోళన అవసరం లేదని ... మలి విస్తరణలో చోటు కంపల్సరీ అని చంద్రబాబే స్వయంగా సుజనాకు అభయమిచ్చారట. అనుకున్నట్టే పునర్ వ్యవస్థీకరణలో బాబు ఆయన పేరును రికమెండ్ చేశారు. మోడీ ఓకే చెప్పేశారు. సుజనా కేంద్రమంత్రి అయ్యారు. విధేయత కలిసొచ్చింది. హార్డ్ వర్క్ ఫలితాన్నిచ్చింది. మొత్తానికి పార్టీకి ఆయన చేసిన సేవే.. ఆయన్ను కేంద్రమంత్రిని చేసిందంటున్నారు విశ్లేషకులు. సుజనాకు కేంద్రమంత్రి ఛాన్స్ ఇవ్వడం ఎంతో సముచితమంటూ... చంద్రబాబుపై ప్రశంసల వర్షం కురిపిస్తున్నారు.