అప్పు ఇచ్చాడు.. ఆత్మహత్య చేసుకున్నాడు!
Published on: Wed Jul 23, 2014 4:29PM
అప్పు రేపు... అప్పు అప్పుడే విరోధం అని పెద్దలు ఏనాడో చెప్పినా కొంతమంది అమాయకులు చూసి చూసి మోసం చేసేవాళ్ళకే అప్పు ఇస్తారు. వాటిని వసూలు చేసుకోలేక నానా బాధలూ పడతారు. ఇలాగే ఒక బిల్డర్‌కి 30 లక్షలు అప్పు ఇచ్చిన ఆల్విన్ కంపెనీ రిటైర్డ్ ఉద్యోగి ఒకరు ఇచ్చిన డబ్బు తిరిగి రాకపోవడంతో మనస్తాపంతో ఆత్మహత్య చేసుకున్నారు. హైదరాబాద్‌లోని ఆల్మిన్ కంపెనీలో ఉద్యోగిగా పనిచేసిన ప్రభాకర్ అనే వ్యక్తి తాను కష్టపడి సంపాదించుకున్న 30 లక్షల రూపాయల డబ్బును ఒక బిల్డర్‌కి అప్పుగా ఇచ్చాడు. ఆ బల్డర్ షరా మామూలుగా మోసం చేశాడు. దాంతో మనస్తాపానికి గురైన ప్రభాకర్ పురుగుల మందు తాగి ఆత్మహత్య చేసుకున్నాడు. తన సూసైడ్ నోట్‌లో సదరు బిల్డర్ పేరు రాసి మరీ చనిపోయాడు. పోయిన ప్రాణం ఎలా తిరిగిరాదో, మోసగాడికి ఇచ్చిన అప్పు కూడా అలాగే తిరిగి రాదు.
