ఐపీసీ సెక్షన్ 309 ప్రకారం భారతదేశంలో ఆత్మహత్యాయత్నం నేరం. అత్మహత్యాయత్నం చేసిన వారికి ఒ సంవత్సరం జైలు శిక్షతో పాటు జరిమానాను కూడా విధించవచ్చని చట్టాలు చెపుతున్నాయి. ఇలాంటి ఆత్మహత్యాయత్నాన్ని నేరపరిధి నుంచి తప్పించడానికి సన్నాహాలు జరుగుతున్నాయి. ఐపీసీ సెక్షన్ 309ను రద్దు చేసి... ఆత్మహత్యను నేరపరిధి నుంచి తప్పించాలని లా కమిషన్ ఇప్పటికే కేంద్రానికి సిఫారసు చేసింది. ఈ విషయంపై ఇప్పటికే ప్రయత్నాలు ప్రారంభించామని కేంద్రమంత్రి హోంశాఖ సహాయమంత్రి కిరణ్ రిజిజు నిన్న లోక్‌సభలో వెల్లడించారు. ఇదే అమలుకు వస్తే ఐపీసీ సెక్షన్ 309ను రద్దు చేస్తే గనుక ఆత్మహత్య చేసుకున్నవారిపై ఇకపై ఎలాంటి కేసు నమోదవదు.