సాఫ్ట్‌వేర్ దిగ్గజం, యాపిల్ ఉత్పత్తుల సృష్టికర్తల్లో ఒకరైన స్టీవ్ జాబ్స్ ఇటీవల క్యాన్సర్ వ్యాధితో మరణించిన విషయం తెలిసిందే. స్టీవ్ జాబ్స్ జీవితం ఆధారంగా రూపొందిస్తున్న ఓ సినిమాలో స్టీవ్ జాబ్స్ కూతురు లిసా బ్రెన్నన్ హీరోయిన్‌గా నటించబోతోంది. ఈ విషయాన్ని ఆ సినిమా దర్శకుడు ఆరోన్ సొర్కిన్ తెలిపారు. ఈ సినిమాని ప్రఖ్యాత సోనీ పిక్చర్స్ సంస్థ నిర్మిస్తోంది. ఈ సినిమా అంతా స్టీవ్ జాబ్స్ కూతురి పాత్రలో నటించబోతున్న లిసా చెబుతున్నట్టుగా వుంటుంది. లిసా దృక్కోణంలో ఈ సినిమా అంతా వుంటుంది. తన తండ్రి గురించి తాను చెబుతున్నట్టుగా సినిమా కథనం వుంటుందని తెలుస్తోంది. లిసా బ్రెన్నన్ ప్రస్తుతం రచయిత్రిగా కెరీర్ కొనసాగిస్తోంది. ఇప్పుడు స్టీవ్ జాబ్స్ మీద తీస్తున్న సినిమాలో తన పాత్రలో తానే కనిపించబోతోంది.